إعلان علوي

السينابون الخطير بالعجينة السحرية وبكل التكات



السينابون


 مطبخ منه هيقدملك وصفة السينابون  بكل تكاته بعجينه روعة جداا

 وطعم طيب جدا . 

هنبدا اولا المقادير : 

٤ اكواب دقيق فاخر منخول كويس جدا 

ربع كوب زيت 

معلقتين كبار خميره 

معلقة صغيرة بكنج بودر 

معلقتين كبار لبن بودر 

رشه ملح 

مياه حسب ماتلم معاكي العجينه 

الطريقة : 

هتجيبي الخلاط بتاعك وتحطي كوب واحد من مقدار الدقيق  بتاعنا

عليهم الخميرة الفوريه عليهم البكنج بودر وعليهم الحليب البودر 

ونزلي مياه تدريجيا لحد ماتحصلي ع عجينه سايله بس مفهاش اي 

كلاكيع  وكل المكونات منسجمة مع بعضها كويس . 

هنصب الخليط دا علي باقي مقدار الدقيق الي عندنا ونحط رشه الملح

ونبدا نعجن بايدينا لو احتاجت مياه حطي او احتاجت دقيق حطي

حسب نوعيه كل دقيق مستخدم .. اثناء العجن بتضيفي مقدار الزيت

تدريجيا وتلمي العجينه كويس وتعجني فيها تقريبا لمده  ٧ دقايق 

لحد ماتحصلي علي عجينه ملساء ومتماسكة  .  وبعدين  سيبيها 

تخمر لمده ساعتين .. 

بعد ماتخمر  هنحضر حشوة السينابون : 

مقادير الحشوة : 

ربع كوب سكر بني 

ربع كوب زبده طرية 

رشه ملح 

معلقتين كبار قرفة .. ولو مابتحبش القرفة ممكن تستبدليها باي حاجة 

شيكولاته  بيكون بودر شبهه القرفة بيعطي نكهه الشيكولاته .. 

هتاخدي مقدار الحشوة دي  وتضربيها بالمضرب  مع بعضها 

لحد ماتوصلي لقوام شبيه بالصلصه وتكون مرمله شويه  

هتقسمي العجينه لكور متوسطة  وتفردي كل كورة وتفردي جواها 

الحشوة بس ابعدي عن  الاطراف  .. وبعدين نلفها رول  لحد الاخر 

ونلزق طرف العجينه بميه يلزق كويس  .. وهكذا لحد ماتخلصي 

كل الكميه وبعدين كل رول  تجيبي سكين مشرشر حامي وتقسمي 

رولات العجين بشكل متناسق وطبعا زي  ماتحبيي  حجم  الواحدة 

وتحطيهم  ف صنيه  مفروشة بورق زبده وتسيبي مسافة بينهم 

علشان مايلزوق مع بعض  بعد ماتخلصي تقطيع كل الكميه 

سيبهم ربع ساعه او نصف ساعه يختمرو تاني قبل ماتدخليهم الفرن

وبعدين تدخليه الفرن علي درجة حراره ١٨٠ ، هياخدو تقريبا من ربع

ساعه ل تلت ساعه حسب الفرن ،، 

بعد ما يطلع من الفرن يهدي شويه ونجهز التزيين 

ممكن تزينه بالصوص الابيض بيكون عباره عن : 

ربع كوب حليب مكثف  

مكعبين جبن كيري

تدوبيهم كويس وتزيني وجهه السينابون 

او تعملي صوص التوفي  

ممكن تزيني كمان بالمكسرات عليهم حسب ماتحبي 

والف هنا  


ليست هناك تعليقات