إعلان علوي

الوصفة الاصليه للباتيه والميني بيتزا والمخدات المقلية ومكون جديد زي السحر حصري وبس



بعجينه سهله ومضمون نجاحها ان شاء الله هتعملي احلي معجنات 

وباتيه بالجبنه وميني بيتزا وكمان المخدات المقليه بنفس العجينه ... 

كل دا هتشوفيه من مطبخ منه حصري عندنا  وبس  تعالو نبدآ : 

المقادير : 

*  معلقتين خميرة 

* معلقتين سكر 

* معلقتين لبن بودرة 

* كوبين ونص دقيق منخول 

* كوب مياه دافي

* رشه ملح 

* نيجي بقي للمكون الجديد  اسمه شورتنج  او مايسمي بسمنه 

الحلويات ودي احسن وافضل من المحسنات الي بيستعملوها في 

المخابز ..لو ماعندكيش ممكن تستبدليها بالزبدة الصفرا  او السمن 

البلدي .. 


الطريقة : 

اولا ممكن تستخدمي العجان هيديكي نتيجة حلوة واسرع ومش 

هيتعبك  لو معندكيش  هتضطري  تعجيني فيها كتييير  ،، 

هتيجيبي العجان ، تحطي فيه الميه الدافيه تلت ارباع  المقدار 

ومعاه اللبن البودر والسكر والخميرة ونضيف  عليهم الشورتنج او 

السمنه او الزبدة حسب الي عندك ونضرب كويس بالعجان بعد كدا

هنضيف الدقيق بالتدريج ومعاه الملح لحد ما العجينه تلم معاكي 

كويس وافضلي اعجني بقي لمده عشر دقايق  لحد ما تلاقي العجينه 

معاكي متماسكة وطرية ، بعد كدا هنبدا نشتغل بيها ونشكل العجينه 

عندنا كورة العجينه نقسمها لنصين ..  نص  هنعمل بيه البيتزا او 

الميني بيتز ا والباتيه ونص  هنعمل بيه المخدات المقليه 

هناخد كورة من الاتنين نقسمها نصين ونشكلها باتيه او كوراسون 

وطبعا الكرة التانيه هنفردها  ونشكلها دواير صغيره للميني بيتزا 

طبعا التقسيم والتشكيل دا بيرجع ليكي ولذوقك ، 

طبعا احنا اشتغلنا ع طول ماسبناش العجينه ولكن بعد التشكيل  

هنسسيب العجينه ترتاح لمدة نصف ساعه او ساعه بالكتير وبعدين 

ندخلها الفرن  .. 

نيجي لجزء المخدات المقليه هنفرد الكوره الي  كنا شيلنها  بسمك 

متوسط وبعدين نقسمها باشكال النجمة او المربع او المثلث

حسب الاشكال  الي عندك ، ونسيبها تخمر تاني لمده نص ساعه 

وبعدين نجهز ليها شربات عباره عن  مياه وسكر ولمون ورشتين فانيليا 

بعد ما تخمر المخدات هنقليها ع نار متوسطة وتطلع وهي سخنه علي 

شربات بارد وبعدين تطلعيها ترشي  عليها مكسرات او  جوز هند 

حسب مانتي  عايزه ... 


والف هناا   


ليست هناك تعليقات