إعلان علوي

الوصفة الاسهل للعوامات ولقمة القاضي باحلي طعم

لقمة القاضي


مطبخ منه هيقدملك الوصفة الاسهل للعوامات او لقمة القاضي  باحلي

 واخف طعم . 

المقادير  : 

* ٢ كوب دقيق  

* معلقة كبيره خميرة 

* رشه ملح 

* كوب ونص لبن او حليب 

 *  ربع كوب ماء  ممكن تحتاجيها وممكن لا حسب الدقيق 

الطريقة : 

هنخلط المواد الجافة علي بعضها وبعدين نخلط المواد السايلة مع

بعضها بس تنزلي المواد الجافة ع السايله تدريجيا .،

وتسيبي الخليط يختمر لمده نصف ساعه ويرتاح  الاهم بعد كدا 

بعد ماتختمر تدخليها التلاجة  نصف ساعه هتمسك معاكي وتعرفي

تتحكمي فيها وتشكليها كويس تعطيكي نتيجة افضل ، 

ممكن تشكليها بالمعلقة او بكيس الحلواني حسب الي متاح عندك 

المهم تنزليها  ف زيت سخن جدا .. بمجرد مابيكون لونها دهبي 

بتطلعيها ع مصفة تنزل الزيت وبعدين تغمسيها ف الشربات البارد  

بيكون عباره عن المياه والسكر ورشه فانيليا وعصير نصف لمونه 

تسيبهم ع النار لحد مايتقل  .. 

والف هنا احلي عوامات 

ليست هناك تعليقات