إعلان علوي

بسكويت السابليه بشكل جديد جدا وحصري عندنا وبس


بسكويت السابليه

مطبخ منه هيقدملك شكل جديد ومختلف لبسكويت السابليه اللذيذ 

هتغيري من شكله وطعمه جنان .. 

هبدآ اولا  

المقادير : 

*  ربع كيلو زبده  لينه يعني ماتكونش ف التلاجة 

* كوب سكر 

* نصف كوب زيت 

* ٢ بيضة 

*  كيس ونصف بكنج بودر 

* ٢ معلقة كبيره نشا 

*  دقيق حسب مانحتاج  

*  الوان طعام صحيه 

*  مربي اي  نوع 

* سكر بودر 

الطريقة : 

هنبدا الاول  نحط الزبده علي السكر  ونضربهم مع بعض بحيث

 السكر يختفي  تماما ، وكمان نضربهم الي ان يصبح القوام ابيض 

جدا وكريمي .. وبعدين نضيف البيض ونكمل خلط كويس ثم بعد كدا

نضيف الزيت والبكنج بودر  والنشا ونخلط كويس جدا .. اضربي لحد 

كل المكونات تختلط وتتجانس مع بعضها كويس اوي ، بعد كدا هننزل 

بالدقيق تدريجيا ع الخليط دا  ونعجن لحد ما نحصل ف النهايه  ع 

عجينه  طريه ولينه .. بعد كدا ع الرخامة او ع مكان واسع هنرش دقيق

ونفرد العجينه  بحيث سمكها يبقي رفيع  وتقطعيها بالقطاعات 

الدواير او اي شكل تحبيه وبعدين ترصيه ف صنيه  مفروشه ورق 

زبده وتسيبها لمده  ١٠-١٥ دقيقه وبعدين دخليها الفرن  ، الي ان 

تستوي ولونها يتغير .. مش بتاخد وقت كتير من ١٥- ٢٠ دقيقه 

حسب فرنك ، المهم تبقي متابعاها ،   دا هيكون السابليه بالشكل 

العادي ..  لو حد حابب يعمله بالطريقة العاديه 

نيجي بقي : 

الشكل الجديد بقي هتجيبي نفس المكونات بتاعتنا بس هتقسمي 

الخليط السايل ع كذا طبق وف كل طبق هتضيفي لون معين 

وليكن احمر او اخضر او اصفر ، وبعدين ننزل ف كل  طبق بالدقيق

لحد مايتكون معانا ف كل طبق عجينه لينه وطريه 

هنمسك كل عجينه نفردها بشكل منفصل ونقطعها ع شكل دواير و

نسويها ..  او ممكن  تخلطي قطع ملونه ع بعضها  يعني تبقي عجينه 

مشكله بالوان مختلفة وتقسميها دواير برضو وتدخليها الفرن ، 

يعني التشكيل والالوان حسب مانتي تحبي . 

بعد ما يتخبز بقي ويبرد  حضري المربي والزقي كل اتنين مع بعض 

وبعدين زيني وش البسكويت بالشيكولاته او السكر الناعم حسب 

ماتحبي بقي .. 

والف هنا  

ليست هناك تعليقات