من الاكلات الخليجية المشهورة المجبوس والتحتة ... والبرياني .

البرياني الخليجي دا ممكن يتعمل بالجمبري او اللحمة او الفراخ و ممكن كمان

 بالسمك حسب يعني ماتحبي بس لازم تاخدي بالك من شوية حاجات  لو هتعملي

 البرياني باللحمة يبقي لازم اللحمة تبقي مسلوقة وجاهزة  ولو هتعمليها بالفراخ 

لازم تكون متقطعه صغير ،مش مستوية نيه يعني

اما بقي لو هتعمليها بالسمك لازم يبقي مقلي 

وعلشان يطلع البرياني زي الخليجي بالظبط لازم تلتزمي بالمقادير والنكهات الي 

هقولك عليها 

 مطبخ منه النهاردة هيقدملك  وصفة البرياني بالجمبري 

نبدا بقي حاليا ب المقادير  

- الاول هنبدا بمقادير الارز الي هوا اساس الوصفة 

الارز لازم يكون  بسمتي طويل الحبة ماينفعش تماما للكبسة والبرياني لا الارز

 المصري  ولا الامريكي تماما 

٣ ملاعق زيت 

ورق لوري

عودين قرنفل

حبهان فصوص


- ثانيا بقي مقادير البرياني 

نصف كيلو جمبري ممكن تستعملي المتلج او الطازج  بس يكون صغير الحجم

بصلة كبيرة متقطعه جوانج 

طماطمايه كبيرة متقشره

قرن فلفل حامي او بارد حسب  ماتحبي 

خليط من التوم والزنجبيل المفرومين ، يفضل زنجبيل فريش 



بصلة كبيرة متقطعه ومقلية 

بقدونس مفروم 

نعناع فريش

معلقتين زبادي 

ومعلقتين زيت

اما اهم حاجة بقي التوابل الي هي اساس البرياني هنسخدم 

كركم 

كزبرة ناشفة

جنزبيل ناعم 

قرنفل ناعم 

حبهان ناعم 

فلفل اسود 

قرفه ناعمه 

كمون 

ربع كوب ميه ورد وتنقعي فيها زعفران  ولو مش متوفر زعفران ممكن لون احمر من

 الوان الطعام وخلي بالك دي غير الوان الحلويات 


الطريقة :

* الاول نغسل الارز كويس ةدا وتنقعيه ف ميه وملح نص ساعه قبل الاستخدام

* بعد كدا نحط حلة ع النار  فيها ميه ونضيف  ورق اللورا والقرنفل والحبهان 

* اول ما الميه تغلي نحط فيها الرز بعد ماتصفيه من الميه 

* ونضيف تلات ملاعق الزيت ونظبط الملح 

* ونسيبه ياخد غلوتين لحد ما يستوي تلت اربع سوا متسبهوش يستوي للاخر 

* بعد كدا هتصفي الارز بالتوابل بتاعه وتتخلصي من اي ميه موجودة فيه 

نيجي بقي لتحضيرات الجمبري 

* طاسه ع النار هتحطي فيها الزيت وعليها جوانح البصل وتقلبي فيهم لحد ما 

البصل يصفر شويه وهنا تنزلي بقي بمزيج التوم والزنجبيل وبعد كدا هتحط

 البهارات الي قولنا عليها فوق ونقلب كويس لحد ما البصل يمتزج بكل التوابل وبعد

 كدا نضيف الفلفل والطماطم المتقطعه وقلبيهم ع النار لمدة عشر دقايق لحد 

مايتسبك الخليط دا 

* بعد كدا نضيف الجمبري والجمبري هينزل الميه بتاعته تفضلي تقلبي فيه ع 

النار  مع الخليط لحد ما الميه بتاعته تخلص هنا تضيفي الزبادي

* وتفضلي تقلبي فيه لحد ما الجمبري يستوي معاكي بعد كدا نضيف البقدونس

 المفروم وورقتين نعناع وتقلبي فيهم وكدا خلطة البرياني جاهزه 


اخر خطوة للبرياني بقي تقديمه 

الاول هتجيبي قالب بيركس مثلا هتحطي الارز الي عملناه ف القعر وتفرديه كويس

  وبشكل متساوي 

وبعدين هتحطي عليه خليط الجمبري الي عملناه  وبعدين تحطي فوق الخليط طبقة

 تانيه من الرز وتساوي السطح كويس 

نوزع بقي ع سطح الرز البصل الجوانح المقلي ونوزع خليط الزعفران بميه الورد 

والي عملناه توزيعهم ف كل الجوانب  واخر حاجة رشة بقدونس مفروم 

تغلفي الصنيه بورق فويل وتدخليه ع فرن متسخن قبل كدا وتسيبه نص ساعه 

والف  هنا

مطبخ منة

ضع تعليقآ للتحفيز:

0 تعليقات