إعلان علوي

افكار مميزة للانش بوكس وازاي تختاريه






بمناسبة بدايه العام الدراسي تحتار كل ام يوميا ف تحضير وجبات اللانش بوكس

 لاولادها  .. وتبحث كل ام علي افكار متنوعة وجديدة لتشجيع اولادها انهم ياكلو 

ويقللو من الاكل الجاهز او المعلبات 

مطبخ منه هيقدملك افكار متنوعة لاطفالك ..

اولا:- 

 هنبدآ بشوية نصايح تتبعيها عند شرائك للانش بوكس


 *  مبدآيا لازم تختاري للانش بوكس بلاستيك صحي لا يتفاعل مع الاكل او الحرارة

* لازم تجيبي اللانش بوكس متقسم لعدة اقسام ودا هيساعدك انك تنوعي ف 

الوجبات الي هتقدميها لاولادك وهيخلي عندك خيارات كتيره ادامك ممكن تحطيها

*حاولي تخلي اولادك يختاروا شكل اللانش بوكس اللي يعجبهم بلاش تقيديهم  

باشكال معينه وطبقا كله يخضع تحت ميزانيتك يعني هاتي الي هما حبينه في

 الحدود الي تسمح بيه ميزانيتك 

في انواع كتير جدا للانش بوكس ممكن تختاري الي يناسبك ممكن نقولك نبذة 

بسيطة ع الانواع وتختاري الي يناسبك 

اول نوع :

 العادي بيكون شبه الصندوق ومش مقسم من الداخل ممكن تستبدلي دا بعلبه 

تلاجة عادي بس النوع دا مش هيساعدك تنوعي اكتر ف الاكل . 







تاني نوع : 

النوع المقسم دا بيكون متقسم من الداخل حوالي خمس او اربع اقسام ودا مفضل 

اكتر ف التنويع ف الوجبات 


تالت نوع : 
بيشبه الصنيه وبيكون متقسم برضو ومعاه معلقة صغيره ودا مناسب برضو 





رابع نوع : 

بيكون علبه متقسمه ومعاها زمزميه للمياه 



خامس نوع : 

نوع متعدد القطع ودا بيكون شامل علبه للساندوتشات وعلبه للسلطة وممكن يكون

 مرفق  معاها زمزميه مياة او  علبه تالته للمبردات . 




ومن الانواع دي تقدري تختاري المناسب ليكي ولطفلك . 


نيجي لنوعيات الاكل الي هتقدميها طبعا كله حسب مقدرتك بس حاولي  علي  قد 

ماتقدري تخلي الوجبة متكاملة يعني من بروتين او كربوهيدرات او فواكهه ... 

هنحاول نقدملك شوية افكار ممكن تنفذيها وتاخدي المناسب  منها ليكي ولميزانيتك 

وكمان مناسب للي بيحبوه ولادك . 

امثلة :- 

# اعملي ميني بيتزات صغيره الحجم بالحشوات الي اولادك يحبوها خضار او جبنة .. 

# اعملي كوكيز مفيد جدا للاطفال 

# ساندوتشات مختلفة بالعيش التوست  

#ممكن تعملي بان كيك بالعسل الابيض مفيد جدا 

# ممكن مكرونه بالصلصة متقطع معاها قطع صغيره بانيه او برجر او سيخ شيش طاووق

#ممكن تضيفي ف اللانش بوكس الفشار افضل من الشيبسي او غيره 

# ممكن مع الوجبة الاساسيه تحطي مكسرات او فول سوداني 

#الفلافل  مع  قطع العيش علي شكل مثلثات 

# سلطة فواكهه  اي انواع فاكهه عندك تعمليها مفيدة جدا للاولاد 

#السمبوسك وتحشيها باللي بيحبه اولادك جبن او خضار او لحم مفروم او اي 

شئ متاح 

#مكرونة محمرة مع الكفته او بانيه او ستربس 

# ممكن تعملي ساندوتشات عاديه جدا جبن او مربي بس تبقي بشكل مختلف اما

 بتوست زي ما قولنا او  باشكال مختلفة للعيش ، ممكن بالعيش السوري او عيش 

الطاسة تعملي الساندوتش رولات وفيها الحشوات . 

#حاولي تضيفي البطاطس المحمرة للانش بوكس بس تكون ف قوالب الكبك كيك 

مثلا تحطيها بعيدا عن باقي مكونات اللانش بوكس

# ممكن معجنات مختلفة الكورواسون او الباتيه او اي اشكال باي حشوات اولادك

 يحبوها وممكن تستخدمي عجينه العشر دقايق هتساعدك جدا . 

# الكريب ممكن تعمليه مرة حادق بحشوات الجبن او البانيه او البسطرمة  ومرة 

حلو بالشيكولاته او المربي 

# طبعا ماتنسيش الخضروات متل الخيار او الجزر 

# ممكن تعملي الكبيبة او الكفته مع الطحينه والشيبسي البيتي 


ولو  حبيتي تعملي ساندوتشات عادية فهنقدملك شوية افكار لحشوات تعمليها

 ساندوتشات او حشوات للمعجنات : 

* تعملي ساندوتشات الجبنه الموتزريلا بقطع الطماطم والزيتون او صوص 

الريحان 

* ممكن بيض مسلوق مخلوط مع مايونيز وماستردة 

* شرايح الديك رومي مدخن مع الجبنه الشيدر  

* اصابع السمك البانيه . او الناجتس باشكال  يحبها ولادك 

* السوسيس مع الجبنه . 

*  برجر فراخ او لحم والافضل يكون معمول في البيت 

واخيرا لا تنسي المناديل المبللة وتحسي طفلك ع ان يغسل ايديه قبل الاكل  ودايما

 اختاري الاكل المفضل لابنك وحاولي تقللي من الاكل الجاهز والشيبسي 

والمشروبات الغازيه . 

واستنونا ف افكار تانيه جديد  . 











ليست هناك تعليقات