لما بيكون عندك عزومة بتبقي محتارة تعملي ايه ، ودايما بتكوني عايزه اكلك يطلع

 باحلي طعم واحلي شكل .. 

في حاجات لازم تاخديها ف الاعتبار ، وانتي بتعملي عزومة حاولي انك تعرفي هل 

الاكل الي هتقدميه بيحبوه ولا لا لو كنتي تعرفيهم هيبقي سهل عليكي تعرفي لكن 

لو حد ماتعرفيه يبقي لازم تعملي اكتر من صنف . 

وتاخدي ف الاعتبار  لو في اطفال تعملي المناسب ليهم .. وكله بيخضع حسب 

ميزانيتك وامكانياتك 

كمان علشان توفري وقتك ومجهودك قسمي الاكلات الي هتعمليها من بليل والي 

هتحطيه ف تتبيلات يبقي قبلها بيوم علشان يوم العزومة يكون متنظم .


مطبخ منه هيقدملك منيو مناسب ممكن تاخدي منه افكار ...


المنيو : 

محاشي متنوعة ( كرنب - ورق عنب - بتنجان - كوسة - فلفل ) 

* فراخ محشية رز بالخلطة 

* طاجن لحمة  

* بانيه 

* كفته ضاني 

* بطاطس محمرة 

* كولو سلو بيتي

*  بتنجان مخلل 

عصائر مختلفة 

كركدية - قمر الدين - بيبسي -  عصير مانجو - فراولة - موز باللبن 


الحلويات 

بسبوسة - كنافة - جلاش بالمكسرات - لقمة القاضي -مهلبية - تشيز كيك 

بالجيلي 


# الفراخ المحشية 

الفراخ تكون  صغيره علشان تستوي كويس

هتجيبي كميه الفراخ المناسبه وتغسليها كويس 

وتجهزي الحشوة : عباره عن بصله متحمرة وعليها كبد وقوانص وتنزلي بميه

 وتوابل ملح وفلفل وبهارات ولما تغلي  تنزلي بالارز ، خليه يستوي نصف سوا 

علشان يكمل السوا  مع الفراخ . وابداي احشي الفراخ واقفليها كويس من تحت 

بخله او خيط وحطي الفراخ ف صنيه وممكن تقطعي تحتها خضار وتدخليها 

الفرن وبعدين تحطيها تحت الشوايه تاخد لون جميل  







# طاجن اللحمة المميز 

حلة  وشويه زيت وتنزلي اللحمة تاخد صدمة وبعدين    وحطي فيها فلفل اخضر 

وطماطم  وبصل وممكن بقدونس او كسبره خضرا وملح وفلفل وكسبره ناشفة  

وخليهم ع النار لغايه ما تنزل ميتها وتشربها والخضار يدبل تنزلي ميه سخنه 

لغايه 

ماتستوي اللحمة تلت اربع سوا  وحطيها ف طاجن وع الفرن  تكمل سواها وتاخد 

لون جميل . 





# البانيه 

جيبي البانيه واغسليه كويس ودقيه علشان يبقي رفيع شويه وبعدين تبليه

التتبيله تكون قبلها بيوم والتتبيله عباره عن 

(  زبادي - لمون - ملح - فلفل اسمر - بهارات  فراخ - سماق - كركم - كاري - 

ببريكا -  زعتر ) 

وبعدين تطلعيه من التتبيله ع بيض وبقسماط ،ودقيق وتقليه ف زيت سخن . 






# الكفتة الضاني 

لحمة مفرومه ضاني مع بقدونس وتوابل الكفته وصعبيها وتحطيها ف صنيه فيها 

بصل وطماطم وبهارات وتحطيها ف الفرن بتبقي جميله 







والف  هنا 






مطبخ منة

ضع تعليقآ للتحفيز:

0 تعليقات