المقادير

كيلو إلا ربع فول مدشوش 

 ربع كيلو حمص 

حزمة صغيرة  من الشبت 
  
وحزمة صغيرة كزبرة خضرة 

نص حزمة كرات
  
٥ وحدات  بصل اخضر
٥ فصوص توم فريش


الطريقة 


الحمص والفول نغسلهم وننقعهم ف مياه كتيره قبلها بيوم علشان

 يتشربو الميه كويس ونغطيهم لتاني يوم ف التلاجة 

بعد كدا تاني يوم هنفرمهم ف المفرمة بس مع الاخذ بالاعتبار انك تاخدي كميه 

بسيطة ف كل مرة علشان تتفرم كويس وتحطي من كل حاجة شوية يعني شويه

 فول ع حمص ع خضرة وهكذا 

لحد ما الكميه الي  عندك تخلص
  
تعيدي الفرم مرة كمان لان اول وش بيكون خشن

خلي قوام العجينه ناعم بس مش اوي 

بعد ماعملنا العجينه ممكن تفرزيها ف الفريز ف اكياس ،تاخدي منها ع حسب 

الرغبه هتقعد معاكي وقت كبير 

نيجي بقي لو هتعمليها

هتجيبي عجينه الفلافل 

وعليها المقادير دي

معلقة بكنج بودر 

نص معلقة كزبرة ناشفة

نص معلقة كمون ناعم 

ملح 

شطة ودي اختياري

ومعاكي معلقتين ميه 

هتضيفي كل المقادير دي ع الطعميه ،بالمناسبه معلقتين الميه بتخلي الطعميه طرية 

جدا جدا وهشه من جوة 

ومقرمشة من برا 

علشان بقي تقلي الطعميه 

تعجني المكونات دي مع العجينة كويس وتبداي تعمليها كرات وتضيفي  سمسم لو 

بتحبيه وتقليها ف زيت غزير سخن 



والف هنا 








مطبخ منة

ضع تعليقآ للتحفيز:

0 تعليقات