الأكثر قراءة





الكب كيك من احلي واخف الحلويات الي ممكن تقدميها لاولادك ف اللانش بوكس

 سهلة وسريعه ومغذية هيقدملك مطبخ منه  طريقة الكب كيك باسهل  طريقة .

المقادير : 

كوب سكر 

كوبيتين ونص دقيق

كوب زبادي 

بيضتين 

معلقة عسل 

ربع كوب مياه

نص كوب شيكولاته متقطعه 

نص كوب زبدة 

ربع كوب زيت 

معلقة بكنج بودر 

نصف معلقة فانيليا

نصف معلقة بكربونات صوديوم 

رشة ملح 

الطريقة : 

الاول هنسيح  الشيكولاته علي  حمام مائي ، ونضيف عليها العسل الابيض . 

ونخلطهم ع بعض لحد ما يمتزجو كويس . وبعدين نضرب  السكر والزبدة 

لحد مايكون القوام كريمي وعليهم الزيت ونضرب كويس لحد ما اللون يكون فاتح 

نبدا ننزل بالبيض واحدة واحدة  وبعد كدا نضيف الزبادي والفانيليا ونضربهم 

وبعدين نضيف مقدار الميه ونخلط الخليط كويس وبعدين نضيف خليط العسل و

الشيكولاته وبعدين نضيف ع الخليط دا  الدقيق المنخول والبكنج بودر والكربونات 

والملح . ونضرب الخليط  كويس لحد ما يبقي كريمي ، الخليط هيبقي شبه الكريم 

شانتيه كدا  قوامه ولونه . 

بعد كدا نصب الخليط ف قوالب الكب كيك ، ومتمليش المقدار اوي لانها هتعلي ف 

التسوية ،  وبعدين تدخليها ع الفرن سخن  ع حراره  ١٩٠ ويتخبز من تحت 

وممكن يحتاج انه  تفتحي الشوايه شويه تاخد لون  بسيط .   ممكن تزينيها او لا 

حسب رغبتك بقي . 

والف  هنا  

















مطبخ منه هيقدملك النهارة وصفة المهلبية بطريقة سهل وتخلي قوامها كريمي 

مهما  حطيتها ف التلاجة . 

المقادير : 

كوب ونصف حليب 

نص كوب كريمة لباني لايمكن استبدالها باي حاجة تانيه 

معلقتين نشا 

ربع كوب سكر 

فانيليا 

الطريقة : 

هنحط الحليب علي الكريمة ف وعاء  ونضيف عليهم  السكر والنشا ونقلب علي 

البارد لحد ما يدوب السكر والنشا كويس وبعد كدا نرفعهم علي النار ونحطها ع

 نار متوسطة ونقلب بالوسك لحد ما القوام يبدا يتقل تدريجيا  والمهلبيه تغلي نطفي 

النار ونحط الفانيليا . وقوام المهلبية بيكون متوسط بيكون كثيف  ومتماسك . 

بعد كدا مرحلة التزيين دي  علي ذوقك  بقي  ... 


والف هنا  



















دجاج كنتاكي من اشهي الاكلات الي بيحبها الكبار والصغار ، واتجهت كتير من 

 الستات انهم يعملوه ف البيت ولكن كان بيكون في شي ناقص ومابيكون نفس 

طعم ولا شكل دجاج كنتاكي الاصلي  ، علشان كدا مطبخ منه هيقدملك الوصفة 

الاصليه لدجاج كنتاكي .. هتحصلي منها علي نفس النتيجة ونفس الطعم والشكل 

 المقادير : 

دجاج بالعظم وصدور مخليه للاستربس  . 

التتبيله : 

٢كوب لبن رايب  

بهارات  ( شطة - ببريكا - بصل بودر - زنجبيل - فلفل اسود - حبهان - توم بودر )

التتبيله لا تحتوي علي الملح لاننا هنسيبها فتره طويل والملح بينشف الدجاج . 

هنضيف مكونات التتبيله علي بعضها ونحط فيها الفراخ ونسيبها ف التلاجة ليله 

كاملة علشان تتشرب كويس من التتبيله .

بعد ما يعدي يوم كامل تطلعي الفراخ من التلاجة وتحطيها ف مصفة علشان تنزل 

الزيادات من التتبيلة ومتتحرقش منك  اثناء التحمير . 

نيجي بعد كدا نعمل التغطيه بتاع الدجاج : 

هنحتاج   كوب  دقيق 

معلقة نشا 

البهارات الي استخدمناها ف التتبيله تاني 

معلقة صغيرة بكنج بودر 

تقلبي المكونات دي ع بعضها وتقسميهم نصين  نص تاخديه علي جنب  ونص 

التاني تحطي عليه ميه وتقلبي  كويس لحد ماتختفي اي  تكتلات فيه ويكون قوامه 

مش تقيل ولا  خفيف هيكون اخف شويه من قوام الكيكة . 

هنحط الدجاج في الخليط السائل  وبعدين نحطه ف الخليط الدقيق ترشي الدقيق 

فقط بدون ما تضغطي  علي الدجاج . 

نيجي بعد كدا لمرحلة القلي لازم يكون  الزيت غزير وسخن وتفضل النار عاليه اول  

خمس دقايق  وبعد كدا بتهدي النار علشان  الفراخ تستوي كويس  وتغطي الطاسه

علشان تستوي كويس . واول ما تطلع  طلعيها علي صفايه علشان تتصفي  من 

اي زيادات وتحتفظ بالقرمشة بتاعتها .. كملي باقي الكمية ، والاستربس بس دا 

مش بياخد وقت متل الدجاج ..

نيجي لحلقات البصل بقي  

هنحطها ف التتبيله بتاعت الدجاج بعد ماتقطعيها حلقات عريضة وتقليها .. 

والف  هنا  














مع اقتراب الدراسه وحيرة الامهات  واللانش بوكس  ، لان كل ام بتكون

 حابه تحط لابنها وجبة كامله وفيها كل العناصر وكل الي بيحبه 

الاول ، علشان كدا مطبخ منه هيلخصلك العناصر الي المفروض تكون 

ف اللانش بوكس ونتي قسميها حسب المتاح عندك او الي بيحبه ابنك 

هنتكلم عن العناصر الاساسيه الي لازم  تكون موجودة  ف اللانش بوكس  .

الوجبة  الاساسيه  او ما يسمي  ب ( main course ) : 

اختاري من الاتي :  

مكرونه محمرة او حمرا 

بطاطس بوريه او محشيه 

بيتزات  ومعجنات 

التاكو 

المافنز 

الرولات المحشية 

الوافل 

اصابع بطاطس مقرمشة 

ساندوتشات بانواعها 

لحوم مدخنة 


الخضار والفواكه 

برتقال متقشر ومتغلف 

تفاح متقطع 

فراوله 

خيار 

توت 

سلطة فواكهه 

سلطة خضار 

سلطة كولو سلو 

جزر  

بروكلي 

افوكادو 

خوخ 

السناك : 

مكسرات 

كورن فلكس 

شوفان  او كوكيز شوفان 

بيض مسلوق 

فواكهه مجففة 

مارشميلو 

فشار بانواعه 

المشروبات :

مياه اساسي 

حليب معلب

عصير طبيعي 

حليب مع  فواكه

حليب مع شيكولاته

زبادي فواكه او ساده 






ارتفعت اسعار الذهب في مصر ارتفاع ملحوظة في الاسواق المصرية لجميع العيارات مثل عيار ٢١ وعيار ١٨ 
اليكم ما سجله الذهب اليوم من ارتفاعات بالجنية المصري EGP


الجدول يعرض أسعار الذهب في مصر بالجنيه المصري للأوقية و الكيلوجرام و الجرام للعيارات المختلفة. أكثر العيارات استخداما هي عيار 24 و عيار 22 و عيار 21 و عيار 18.

- سجل جرام الدهب عيار ١٨ سعر 605.34 جنية مصري
- سجل جرام الدهب عيار ٢١ سعر 706.24 جنية مصري
- سجل جرام الدهب عيار ٢٢ سعر 739.86 جنية مصري
- سجل جرام الدهب عيار ٢٤ سعر 807.11 جنية مصري
- سجل كيلو الذهب  سعر 807,108 جنية مصري
- سجل أوقية سعر 25,101 جنية مصري


تابعونا يوميآ عبر مطبخ منة حيث ستتلقون يوميآ اسعار الذهب يومآ في مصر 



مطبخ منه هيقدملك نصايح غاليه وشويه حيل  هتساعدك وهتوفر 

عليكي كتير من الوقت والجهد . 

١- لما تيجي تفصلي البياض عن صفار البيض علشان تحتاجيه لبعض الوصفات ممكن تلاقي شويه صعوبه  ف الفصل لكن  ممكن تستخدمي الصفايه اللي بطقم التوزيع هتسهل عليكي كتير انك تفصلي الصفار عن البياض 


٢-  عند فرم التوم ممكن تكوني مستعجلة او مكسله تطلعي الكبه 

وتفرميه ممكن بسهولة تحطي فصوص التوم متقطعه  شرايح 

وتحطيها ف كيس نايلون وتدقيها بمدق البوفتيك  هتلاقي بقي احسن

 من فرمه ف الكبه .


                                          


٣- لو بتعملي طواجن كتير ف الفرن ،  دخلي الطاجن وغلفيه بورق 

فويل  دا هيخليكي محافظة ع نظافة الفرن من جوا بدل ما يتطاير عليه

 الاكل وهوا بيستوي وكمان هيسرع من عمليه السوا لما تحبسي البخار

 الي بيطلع بيسرع من عمليه السوا وكمان هيقلل فتره استخدامك

 للفرن .


٤-  استخدمي المعالق المعياريه عندك  ف الدقيق او  السميد او الارز

  او  غيره دا هيخليكي تعرفي الكميه الي تحتاجيها بسهولة وتكون

  الوصفة ظابطه معاكي وكمان بتوفر عليكي انك تستخدمي  معالق 

عاديه وتغسليها او تكون مبلله . 




٥-  بعد استخدامك للكبه او الخلاط ف المطبخ لفتره ممكن تحسي ان

 لونها متغير وعلشان ترجيعها مثل الجديد هتحطي بكربونات

 صوديم مع خل وشويه ميه وشغلي الخلاط او االكبه وارجع اغسليها 

هتلمع من النضافة . ممكن تستخدمي الطريقة دي كل اسبوع حتي .  



٦-  لو احتاجتي تقطعي البصل مكعبات ومش عايزه تستخدمي الكبة

 او مش عندك  سهله  جدا حطي علي لوح التقطيع بتاعك معلقتين خل

 وقطعي البصل هيقلل جدا  من  انك تدمعي او حرقان عينيك .


٧-  لما تيجي تقطعي الخضار قطعيه علي لوح التقطيع افضل من 

الرخامة ،  لان لوح التقطيع هيخليكي تعرفي تتحكمي ف الخضار 

وتقطعيه براحتك ، غير ماتقطعيه ع الرخامة او ف طبق  وخاصة لو 

مغسول ممكن يتزحلق منك  .












وانتظرونا ف نصايح وحيل تانيه مفيدة 

















مطبخ منه اليوم هيقدملك طريقة الكسكسي المغربي بكل تفاصيله 

وممكن تعملي الكسكسي بكذا طعم ممكن يكون حلو  كحلويات او 

يتقدم كطبق رئيسي ف الوجبات 

اولا هنبدآ بالكسكسي 

مقاديره : 

كسكسي حسب عدد افراد اسرتك 

نصف كوب زيت 

كوبين مياه 

ملح 

طريقه الكسكسي :

هتفضي كيس الكسكسي ف طبق واسع عليه الزيت وتفضلي تقلبي

 فيه وتبسي فيه كويس وبعدين ضيفي الملح والمياه واخلطي باطراف

 صوابعك علشان ميتعجنش ، وبعدين نغطيه علشان يتشرب كل الميه 

الزياده ودا هيخليه طري لما تستخدميه  وبيتضاعف  حجمه . 

وبعد كدا نفركه كويس ، ونجهز حله البخار ونحط فيها مياه وع النار

 لحد ماتغلي ، ونحط الكسكسي  ف حله البخار من فوق 

ونسيبه لغايه منشوف البخار طالع منها وتكون النار متوسطة .وكل 

ساعه تطلعيه من الحله وتدهني سمنه بلدي تفركيها بيه وتحطيها ع 

النار تاني  ، 
بعد كدا بتفركيه كويس لغايه متحسي ان كل حبه لوحدها ،وبعد كدا 

تجيب مرقة ونصب شويه ونقلب لحد ما توصلي للقوام الي تحبيه 

للكسكسي . 

بكدا الكسكسي جاهز لاي وصفة سواء بالفراخ او اللحمة او البصل

 المتكرمل يعني الي يعجبك .. 

بعد كدا معانا الخضار 

مقاديره : 

لحمة حسب عدد افراد اسرتك 

خضار ممكن  ( جزر - لفت -  كوسة - كرنب - فلفل - بتنجان - طماطم ) 

حمص منقوع 

قطعتين من القرع العسل 

بصلتين متقطعين شرايح 

بقدونس 

سمنه بلدي

توابل  مغربيه وممكن تستبدليها بالمجموعة دي  

( كركم - قرفة - زنجبيل - فلفل -  جوزة الطيب  - ملح -  زيت ) 



الطريقة : 

نحط الاول اللحمة تاخد صدمة  وبعدين نحط عليها البصل والبقدونس 

والتوابل معلقة كبيرة من كل نوع  وتقلبي ف اللحمة لحد مايتغير 

لونها وتنزل  كل ميتها وبعدين تضيفي مياه سخنه وكتري فيها لاننا

 هنحتاج مرقة علشان  الكسكسي .

نغطيها وتسيبها لحد ماتستوي ،  وبعدين ف حلة تانيه نحط الخضار

 الي هوا الجزر واللفت والبقدونس والكرنب  

والملح والزيت ومياه وتسيبها تستوي تلت اربع سوا ماتكملش سواها

 للاخر .  وبعدين نضيف عليهم  باقي الخضار ( الحمص والفلفل

 والطماطم والبتنجان  والفلفل والكوسة والقرع  وممكن تضيفي 

بطاطس لو تحبي . ونسيبها لغايه ماتشرب  كل الميه بس ماتتهريش .

وبعد كدا   خلاص بعد ماجهزنا الكسكسي  ،  نحطه ف طبق التقديم 

وعليه من مرق اللحمة ونقلب كويس  ونحط فوقه اللحمة والخضار

 وبكدا بقي جاهز 


والف هنا  












الفاهيتا اكله مكسيكسة الاصل تتميز بنكهه مميزة جدا والي جانب هذا

 تمتاز بطريقة عمل سهلة وبسيطة وتدخل من ضمن اشهر الاكلات 

السريعه . 

كما تعتبر الفاهيتا الاقرب لشاورما الدجاج عندنا كعرب .

كما هو الحال ان الشاورما تتعمل بالدجاج او اللحم كذلك الفاهيتا لها 

طريقتين مختلفتين بالدجاج واللحم ايضا  وتشترك ايضا مع الشاورما 

بانه يتم تقديمها  مع خبر التورتيلا او العيش السوري كما يقال 

الفاهيتا اكله غنيه بالفوايد لان بيتم اضافة الخضروات لها وممكن 

تقديمها مع اللانش بوكس ايضا .

المقادير : 

صدور دجاج بدون جلد او عظم

ملح 

معلقتين زيت 

بصلة متقطعه جوانح 

فلفل الوان او اخضر 

التتبيلة : 

معلقتين عصير لمون 

زيت 

فصين توم مفرومين 

ملح 

كمون 

شطة 

ببريكا 

كزبرة خضرا مفرومة 

رشه كركم 

رشة كاري 

 بهارات فراخ 

الطريقة : 

الاول بتحضري الدجاج بتقسمي الصدور شرايح بالطول ويكون

 سمكها متوسط . 

بعد التقطيع  حطيهم ف طبق وعليهم مكونات التتبيله الي قولناها . 

وسيبي الفراخ ف التتبيله لمدة ساعتين .

بعد كدا تطلعي شرايح الفراخ ع طاسة بنار عاليه وشوحيها لحد 

مايتغير لونها وبعدين طلعيها ورصيها فوق بعضها ولفيها بفويل  

وحضري الخضار بقي 

ف طاسة حطي زيت وبصل الفلفل وشوحي فيهم شويه لمدة دقيقتين

بعد كدا حضري الخبز التورتيلا وقطعي الدجاج شرايح رفيعه مع 

الخضار وابداي بعمل العيش كرولات وقدميها مع سلطات ،وممكن 

تضيفي الجبن المبشور موتزريلا او شيدر او اي  نوع .



والف هنا